ലോകകപ്പ് മാച്ച് റിവ്യൂ – മാച്ച് 4 : ഇന്ത്യ vs പാകിസ്ഥാൻ

‘ഒരമ്മ പെറ്റ മക്കൾ’ തമ്മിൽ നടന്ന കളി… പക്ഷേ ഇത്തവണയും ജയം ഇന്ത്യക്ക്…

ഇന്ത്യ 50 ഓവറിൽ 7 വിക്കറ്റിന് 300. പാകിസ്ഥാൻ 47 ഓവറിൽ 224 ഓൾ ഔട്ട്‌ …

ഇന്ത്യൻ നിരയിൽ ധവാൻ(73), കൊഹ്ലി (107), റെയ്ന(74 — 56 പന്തിൽ നിന്നും) തുടങ്ങിയവർ നന്നായി സ്കോർ ചെയ്തു…പക്ഷേ, അവസാന 5 ഓവറിൽ ഇന്ത്യക്ക് വെറും 27 റണ്‍സേ എടുക്കാൻ പറ്റിയുള്ളൂ. രഹാനെ ‘പൂജ്യൻ’… ഇന്ത്യ ഉരുണ്ടു പിരണ്ടു 300ൽ എത്തി. കൊഹ്ലി സെഞ്ച്വറിയ്ക്ക് വേണ്ടി അനാവശ്യമായി സ്കോറിംഗ് വേഗത കുറച്ചു…പാകിസ്ഥാന്റെ സോഹെയ്ൽ ഖാൻ 5 വിക്കറ്റ് കൊയ്തു.

ഇനി പാകിസ്ഥാന്റെ കാര്യം. നമ്മുടെ ‘തല്ലുകൊള്ളി’കളായ ബൌളർമാരെ ‘ബഹുമാനിച്ച’ പാകിസ്ഥാൻ വളരെ പതുക്കെ മാത്രമേ ബാറ്റ് ചെയ്തുള്ളൂ. അത് കൊണ്ട് റിക്വയേർഡ് റണ്‍ റേറ്റ് മല പോലെ ഉയർന്നു. 110 റണ്‍സിനുള്ളിൽ തന്നെ 5 വിക്കറ്റ് തെറിച്ചു. പിന്നെ നിവൃത്തിയില്ലല്ലോ…ഒടുക്കം 224 ഓൾ ഔട്ട്‌.

അഹമ്മദ് ഷെഹ്സാദും(47) ഹാരിസ് സോഹൈലും(36) ക്യാപ്ടൻ മിസ്ബയും(76) ‘ബൂം ബൂം’ അഫ്രിഡിയും(22) മാത്രമേ പിടിച്ചു നിന്നുള്ളൂ. മക്സൂധും അക്മലും ‘സംപൂജ്യർ’…

ഷാമിക്ക് 4 വിക്കറ്റ്. യാദവിനും മോഹിതിനും 2 വീതം. അശ്വിനും ജഡേജയും 1 വീതം വീഴ്ത്തി.

ഏതായാലും നിലവിലെ ചാമ്പ്യൻമാർ തോല്കാതെ രക്ഷപ്പെട്ടു…

MOM: കൊഹ്ലി

വാൽക്കഷണം: ഏതായാലും രണ്ട് കൂട്ടരും ‘ഒരമ്മ പെറ്റ മക്കൾ’ തന്നെ. വിക്കറ്റുകൾക്കിടയിലൂടെ ഓടാൻ ഇനിയും ഇവർ പഠിക്കണം!!!…എന്തൊരു മടിയാ ഓടാൻ… ഇനി ഫീൽഡിംഗിൽ: ഡൈവ് ചെയ്യാൻ വയ്യ, സ്ലൈഡ് ചെയ്യാൻ വയ്യ… ആരെങ്കിലും പന്തൊന്ന് എടുത്ത് തന്നാൽ അത്രയും നന്ന് …